ឋានន្ទ - ភាគ 02

អារម្ភកថា
ល្ខោនរឿងនេះ មិនមែនជារឿងពិតរបស់បុគ្គលណាម្នាក់ តែជាល្ខោនននិយាយប្រឌិតបែបទំនើប រួមផ្សំនឹងឈុតឆាកជីវិតពិតមួយចំនួន ក្នុងសង្គមរស់នៅរបស់មនុស្ស ធ្វើអោយផ្ទៃរឿងទាំងមូលពេញដោយភាពប្រទាក់ក្រឡា។

ឆ្នាំ2006 ជាឆ្នាំដែលមិត្តសម្លាញ់ឈ្មោះ ឋានន្ទ គេរៀបមង្គលការ ស្របពេលដែលខ្ញុំកំពុងសរសេរសាច់រឿងនេះ ទើបខ្ញុំសម្រេចចិត្តសុំប្រើឈ្មោះរបស់គេ និងភរិយាមកធ្វើជាឈ្មោះតួអង្គឯកក្នុងរឿងនេះតែម្តង។ ម៉្យាងទៀត ខ្ញុំបានសាងរឿងនេះ ដើម្បីជាអនុស្សាវរីយ៍ចំពោះខេត្តរតនគីរី ទឹកដីដ៏ភាគពាយព្យដ៏ពិសិដ្ឋ ដែលខ្ញុំស្រលាញ់ជាទីបំផុត ទើបខ្ញុំជ្រើសរើសទីតាំងខេត្តនេះសម្រាប់ជាបុព្វហេតុនៃផ្ទៃរឿងទាំងមូល។

ដោយសារតែនេះជាស្នាដៃទីពីរក្នុងអាជីពជាអ្នកនិពន្ធរឿង ទើបខ្ញុំជឿជាក់ថា ប្រាកដជាមានចន្លោះខ្វះខាតដោយអន្លើៗជាក់ជាមិនខាន។ តែរឿងមួយនេះក៏ធ្លាប់ទទួលបានការសាទរអំពីអ្នកស្តាប់ជាច្រើន កាលដែលបានចាក់ផ្សាយជាច្រើនដងលើរលកធាតុអាកាសរបស់ស្ថានីយ៌វិទ្យុFM93.5MHz ភ្នំពេញអំឡុងឆ្នាំ 2006 និង 2007។

យើងខ្ញុំដែលជាក្រុមអ្នកផលិត សូមឧទ្ទិសអនុស្សាវរីយ៍ស្នាដៃមួយនេះ
ដល់បណ្តារៀមច្បងជំនាន់មុនទាំងឡាយ ដែលបានលាចាកលោកនេះទៅ ហើយបន្សល់ទុកនូវស្នាដៃជាច្រើនដើម្បីអោយយើងខ្ញុំបានសិក្សាស្វែងយល់។

សូមអរគុណដល់រៀមច្បង និងអ្នកចេះដឹងទាំងឡាយទៀត ដែលបានចូលរួមផ្តល់យោបល់ និងជួយស្ថាបនា ដើម្បីអោយល្ខោនមួយរឿងនេះលេចចេញជារូបរាង និងមានជីវិតបានដូចលំនាំនេះ។ និងសូមអរគុណដល់បណ្តាតួអង្គសម្តែងទាំងអស់ដែលបានជួយជ្រោមជ្រែងដោយកិច្ចខិតខំប្រឹងប្រែង ពិសេសគឺបានជួយជំរុញអោយតួអង្គ សម្តែងបាន។

រាល់កំហុសឆ្គងទាំងឡាយដែលមាននៅក្នុងការផលិត និងសម្តែងរឿងនេះ សូមអ្នកចេះដឹង និងអ្នកដែលបានតាមដានស្តាប់ទាំងឡាយអភ័យទោស។

យើងខ្ញុំរីករាយនឹងទទួលយកចំនុចកែលម្អរទាំងឡាយ ដើម្បីអោយការផលិតកាន់តែប្រសើរនាពេលអនាគត។