اما زميلنا محمد المنشاوى فبيقول فى الشروق ان لافاشيون المصريون الجدد عاوزين يركزوا السلطه فى ايديهم هما بس وكل امالهم منصبه دلوقتى ودون استحياء على دلوه جديده يرأسها اللواء عمر سليمان واللى بيمثلهم حبل نجاة وحل وحيد لمشكلاتهم اللى ابتلوا بيها بعد ثورة 25 يناير واللى شايفين فيه رجل قوى يقدر يرجع الامور لنصابها لانه رجل المخابرات اللى يقدر يلم البلد وهو الرجل القوى اللى بيؤمن بيهم وبدوائرهم اللى اصبح هو شخصيا من اهم رموزها بس من المحزن بقا ان الفاشيين المصريين مش بيشبهوا الفاشيين الاوروبيين لان الفاشيين المصريين مابيهتموش فقط الا بمزايا ونجاحات شخصيه ومش عاوزين دوله مصريه عندها نفوذ وتطلعات خارجيه لانهم ما بيثقوش فى قدرات الشعب ولا الجيش المصرى ..شايف المنشاوى ان الانتخابات الرئاسيه اللى جيه تمثل اختبار مهم للمجتمع المصرى ونزول اللواء عمر سليمان المعركه الانتخابيه بيتيح فرصه للشعب المصرى ليثبت ان الفاشيه مازالت سائده فى صفوفه وان الشعب ده يحمل فى طياته بذور الايمان بالحريه والعداله والكرامه لجميع المصريين على قدر المساواه.
Be the first to comment