بلدنا بالمصري: إتجاه لإسقاط عضوية البلكيمي من البرلمان
- 12 years ago
هنروح تحت قبة مجلس الشعب.. النيابة العامة اتخذت النهاردة اجراءاتها القانونية لاستئذان المجلس في سماع اقوال النائب أنور البلكيمي، نائب حزب النور فيما ورد في اقوال مجموعة من الاطباء والممرضين في مستشفى لجراحات التجميل في العجوزة على خلفية واقعة الي وصفه في اقواله قدام النيابة بالاعتداء عليه وسرقة 100 الف جنيه.. امبارح الهيئة العليا لحزب النور قررت فصله وهو تقدم باستقالته من المجلس.. لكن البت في الموضوع هيكون خلال جلسة المجلس يوم الحد اللي جاي وربما يكون فيه اتجاه بس لمحاسبته بدون قبول الاستقالة وربما يكون فيه اتجاه تاني لاسقاط عضويته مش قبول استقالته والفرق انه في حالة اسقاط العضوية ما يقدرش يترشح في الدورة اللي جاية.