ولو على الخرطوش برده، وزير الداخلية بدأ كلمته بعد نفي استخدام الخرطوش انه هيتحقق من المعلومات اللي وردت في التقرير وان صحت هيتخذ الاجراءات اللازمة ضدها.. واحنا من ناحيتنا هنعمل كل اللي نقدر عليه لمساعدة وزير الداخلية في مهمته لكشف الحقايق.. ديه صورة واضحة وتسد عين الشمس يمكن تقدر تساعد في التحقق من مين اللي بيضرب خرطوش وبياخد أوامره من مين اذا مش من وزير الداخلية ولا بعلمه.. والحاجة التانية يا معالي الوزير، مين دة اللي لابس مدني وماشي واثق الخطى بين العسكري وحضرة الظابط؟ ورايحين كدة ايد واحدة على فين وهيعملوا ايه؟ وايه دوره بالظبط في دفاع وزارة الداخلية عن نفسها؟!
Category
🗞
News