حال الست الجدعة اللي حاولت تنقذ بنت مصر #Dec22
- 12 years ago
على سيرة العنف الأكبر اللي من جانب المتظاهرين.. في اليوم الأغبر اللي تم فيه الاعتداء على ست البنات، كان فيه سيدة فاضلة لابسة بلوفر أحمر ماشية جنب السور في نفس اللحظة، ماهانش عليها بهدلة البنت ومرمطتها وغالباً من غير ما تفكر جريت ناحيتها وحاولت تخلصها من إيديهم، فما نابها إلا نفس المصير بنفس الإيدين وتحت نفس الرجلين.. ومن ساعتها والناس بتسأل عن مصير الست الجدعة ديه.. الست الجدعة ديه هي السيدة: عزة هلال، شقيقة عميد أركان حرب متقاعد "حرب أحمد هلال سليمان" اللي قال بالحرف الواحد إن عيلتهم كلها كانوا ظباط كبار في القوات المسلحة وبحمد ربنا ماتوا قبل ما يشوفوا اليوم دة