من جديد: سيل دم شبابنا مش نصرة للرسول

السلام والتحية على حضراتكو واهلا بيكو معانا ... للأسف حصل وبيحصل دلوقتي اللي كلنا كنا خايفيين ومقلقين منه وهو ان التظاهرات اللي تم الدعوة ليها ادام السفارة الأمريكية للتنديد بعرض الفيلم المسيء للرسول محمد صلى الله عليه وسلم ، تتقلب لاشتباكات وتراشق بالحجارة تسفر عن عشرات االمصابين سواء من جانب المتظاهرين او من جانب قوات الأمن اللي بيحاولوا يامنوا السفارة ... اللي محدش فينا يقدر ينكره ان كلنا كمسلمين وأقباط بندد وبندين عرض هذا الفيلم او الإساءة لأي من المعتقدات والديانات السماوية بشكل عام ... واللي بردوا محدش يقدر ينكره ان دم المسلم على المسلم حرام زان الأعتداء على المنشات وحرق السيارات وسيل الدم اللي شوفناه وبيحصل دلوقتي عمره ما هيكون نصرة للاسلام او لسيدنا محمد عليه أفضل الصلاة والسلام زي ما قال رئيس مجلس الوزرا النهاردة.
بالتأكيد حق التظاهر ده مكفول للجميع بس الصراحة واحنا بنتابع لفت نظرنا حاجة، هو فين رد الفعل السعودي على الفيلم .. ده احنا ما شفناش واحد في السعودية قال اي حاجة عن الفيلم ولا طلب من امريكا حاجة خالص وكأن الجالية المسلمة في السعودية عددها قليل وكأن الاسلام مش هو دين الدولة الرسمي هناك .. وكأن رسالة الاسلام بالتأكيد من حق كل دولة تاخد المواقف اللي شايفة انها تناسبها بس برضوة كمان احنا هنا لازم نبقى شايفين اللي بيحصل حوالينها ونفهمه وما نبقاش عرضة للمزايدة.