السلام والتحية على حضراتكو واهلا بيكو معانا ... مشهد ديما بنشوفوا في الأفلام العربية زي فيلم سعد اليتيم والشيطان يعظ وهو المشهد المتعلق بالخناقة الكبيرة اللي الكل بيستعدلها بما فيهم اللي واقفين عشان يتفرجوا عليها ... ويمكن دا اللي كلنا حسينا بيه النهاردة مع حالة الاحتقان والحشد الموجودة بين ألتراس الأهلي المعترضين على اقامة مباراة السوبر بين الأهلي وانبي باستاد برج العرب بالاسكندرية ومعترضين على اقامة المباريات وعودة الدوري بشكل عام قبل القصاص لشهداء مجرزة بورسعيد ... ورجال الشرطة ووزارة الرياضة اللي مصممين على اقامة المباراة ... في الحقيقة محدش فاهم ... لية التصميم دا على اقامة مباراة الجميع يعلم انها قد تؤدي لكارثة انسانية جديدة زي اللي شوفناها يوم احداث بورسعيد .. عموما كلنا على اعصابنا وكلنا بندعي ان المباراة تعدي على خير وبدون ميسيل دم اي مصري ... من المفترض ان الماتش يكون ابتدى.
Be the first to comment