بلدنا بالمصري: كلمتين في جناب اللي اتريقوا على أم أحمد
- 12 years ago
معلش بس ومتاخذونيش انا عندي كلمتين في جناب _ ان جاز التعبير يعني _ في جناب اللي مش عارفة باي امارة سمحوا لنفسهم بنوع غريب وعجيب وسخيف من الطبقية والتعالي اللي مالهمش اي امارة يقرروا ان الست الفاضلة زوجة الدكتور محمد مرسي ماهياش قد مقام انها تكون سيدة مصر الاولى وعشان يزودوا الطينة بلة قالولم اصلها مش شبه الستات المصريات!!! لا والله؟!!! الا الست نجلاء او "ام احمد" زي ما بيحلالها --وبالمناسبة هي مستغنية اصلا عن اللقب ومش عايزاه_ يخلق من شبهها بدل 40 40 مليون ست مصرية ما بين جدة وام وست جدعة واصيلة كافحت زيها زي امهات مصريات كتير وربت خمس عيال احسن تربية وما نعرفش عنها لحد دلوقتي غير كل خير.. فعيب عليكم.. ماهياش فوق النقد دة اكيد وزي ما هنقف للرئيس على الواحدة هنقف لزوجته ولاولاده ولاهله وعشيرته واللي يتشدد له ويتشدد لهم كمان بس بالاصول مش بقلة الاصل.... على اي حال زي ما في ناس اتريقت وخدتها الانعرة والنفخة الكدابة زي ما فيه ناس تانية واظن انهم الاغلبية مش .