أون تيوب: ثورة ثورة من جديد

نبدا و أول فيديو معانا النهاردة من مصر. من قلب ميدان طلعت حرب في منطقة وسط البلد .. فيديو صوره احد المواطنين من وسط المسيرة اللي نظمتها قوى اليسار المصري .. بدعوي من القيادى اليسارى كمال خليل .. لرفض سيطرة جماعة الإخوان المسلمين علي الحياة السياسية في مصر.
شارك في المسيرة عدد من القوى اليسارية .. المتمثلة فى الاشتراكيين الثوريين وأحزاب التحالف الشعبى الاشتراكى .. والاشتراكى المصرى .. والعمال .. والشيوعى المصرى .. والتجمع.
و قام صاحب الفيديو بتسجيل لقائات مع المشاركين في المسيرة .. عشان يعرف ارائهم و اسباب انضمامهم للمسيرة. و كانت معظم الآراء بتدور حول فكرة بعينها .. و هي عدم (اخونة الدولة) .. و ان مصر كانت و لا تزال دولة مدنية. و تخلل هذه المسيرة او الوقفة الاحتجاجية هتافات مختلفة ضد حكم جماعة الاخوان .. و المطالبة بسقوط (حكم المرشد ) .. حسب وجهة نظرهم.