هل الدول المتحضرة محتاجة لوجود وزارة للاعلام .. هل احنا محتاجين لوزارة للاعلام الرسمي علشان تدافع عن النظام الحاكم -- مش عن الدولة - ضد معارضي هذا النظام ؟.. دا سؤال كان بينطرح كتير جدا بعد الثورة، وكانت الاجابة علية بأن الوزارة دي هيتم الغائها بعد المرحلة الانتقالية ما تخلص خاصة وان كل القوى السياسية كانت متوافقة على مطلب الغاء الوزارة دي..
لكن للاسف بعد ما بقى لينا رئيس منتخب ، وبعد ما بقا عندنا رئيس حكومة، فوجئنا في التشكيل الجديد ان الوزارة دي لسة موجوده ومش كدا وبس دا كمان تولى امرها اخواني .. رغم ان الاخوان نفسهم اكتر من مرة طالبوا بالغاء الوزارة.
على اي حال وزارة الاعلام ودرها في الفترة الجاية ووجود اخواني على رأس هذة الوزارة .. دا هيكون محور حوارنا مع ضيوفنا الكرام اللى مشرفنا في الاستديو .. بنرحب بالدكتور صفوت العالم استاذ الاعلام بجامعة القاهرة .. والكاتب الصحفي يوسف القعيد عضو المجلس القومي لحقوق الإنسان ..اهلا بيكم
Comments