قضية الضحايا ال19 اللي دفناهم يوم الخميس اللي فات.. لو حضراتكوا فاكرين إن يوم الحد اللي فات قلنا في بلدنا بالمصري إننا قدرنا نوصل لشخصية بعينها وعرفنا إن هي اللي بقى لها 3 شهور تقريباً بتلف ورا ال19 ضحية دول عشان تدفنهم وعشان تدفنهم في مقابر الدولة مش في أي حتة تانية.. وإنها رافضة تتكلم ورافضة حتى إننا نعلن اسمها لإنها زي ما قالت لنا بالحرف: "هي عملت الموضوع دة كمواطنة مصرية وبني آدمة ولوجه الله الكريم" مش اكتر من كدة ولا أقل.. بس أكدت إن من ضمن الضحايا اللي اتدفنوا فيه فعلاً مساجين ورفضت تحدد ساعتها عددهم.. وأكدت إنها راحت وجت كذا مرة على مصلحة السجون وكان الرد دايماً: الدفاتر اتحرقت.. النهاردة بس هذه المواطنة المصرية خرجت عن صمتها وطلعت البيان التالي:
