النهاردة حصلت حالة الذعر اللي حصلت لسكان القاهرة والجيزة والقليوبية، بسبب صوت انفجار مدوي اتسمع في كل المناطق ديه، وبدأت البلاغات ترف على بوليس النجدة.. الناس بتبلغ عن أصوات انفجار تقريباً في كل حتة في القاهرة الكبرى.. وبدأت المواقع الاخبارية تنشر الخبر، وخير اللهم اجعله خير وربنا يجعل المخبي لطيف ويجيب العواقب سليمة وهكذا... وهكذا خاصة إن التصريحات الأولى للمصادر الأمنية كانت بتاكد إن المصدر غير معروف، وإن قوات الشرطة في حالة استنفار وكثفت انتشار دورياتها لتحديد المصدر.. وفضلنا على دة الحال لحد ما صرحت المصادر الأمنية، إن الحكاية كلها إن في طيارة مصرية اخترقت حاجز الصوت.
