بلدنا بالمصري: امتى وإزاي صدر عفو خيرت الشاطر

على الرغم من كل التأكيدات من امبارح للنهاردة سواء خلال المؤتمر الصحفي لجماعة الاخوان المسلمين او من خلال تصريحات محامي الجماعة على زوال كل الموانع القانونية اللي بتعوق ممارسة المهندس خيرت الشاطر لحقوقه السياسية بما فيها الانتخاب والترشح، الا ان الجزئية ديه بالذات لسة فيها لبس، خاصة وانه لحد يوم التلات اللي فات، يوم آخر اجتماع لمجلس شورى الجماعة قبل اجتماع امبارح، خرجت تسريبات بتستبعد امكانية ان خيرت الشاطر يكون مرشح الجماعة نظرا لموقفه القانوني.. وماحدش طلع علينا ساعتها وقال لنا "ان كل الموانع القانونية" زالت.. فالسؤال، زالت امتى وازاي. تفاصيل أكتر هانعرفها من أ/ عبد المنعم عبد المقصود - محامي جماعة الإخوان المسلمين