بنمسي على حضراتكوا.. وإنا لله وانا اليه راجعون والبقاء لله في الراجل المجدع صاحب الكلمات الراقصة.. صاحب الحكمة بين سطور التخاريف اللي ياما ضحكنا على الهم وياما ضحكنا من البلوة وياما ضحكنا من القلب ضحكة تقلب المواجع وتوجع القلب.. صاحب القلب حمال القسية لحد مافاض بيه وما عادش يحتمل يشوف "المصريين بيموتوا بعض" فراح بحسرتهم.. هو ارتاح ولسة التعب والشقا مشواره طويل وكان لسة عندنا امل وعشمانين يشد حيله معانا ويعيش يشوف الحلم بيتحقق.. لكن حكمتك يا رب واللهم لا اعتراض.. لكن اللي فكر ماماتش.. واللي ضحكنا وبكانا ماماتش.. واللي فتح طاقة نور في عز الضلمة ماماتش.. واللي على صوته بكلمة الحق في عز الظلم والجبروت مماتش وهيفضل حسه في الدنيا
