الاحتفال الرسمي باليوم العالمي لمكافحة الفساد في بلد الفساد بقى فيه للركب شيء يحترم وعلى العين والراس، لكن النهارده هنحتفل بولاد البلد الأصلا الجدعان .. هنحتفل بثلاثة من المحاربين المصريين ضد الفساد، صحيح واحد منهم بس هو اللي هيفوز بالقلة القناوي اللي الشعب المصري دافع ثمنها من عرقه وعن طيب خاطر، لكن أياً كان الفايز هيفضلوا الثلاثة شايلين صفة المحارب اللي وقف في وش التيار، لا ركب الموجة، ولا مشي جنب الحيط، ولا كفى ع الخبر ماجور ويا دار ما دخلك شر .. نبدأ بتعظيم سلام لضيوفنا: م. حمدي الفخراني - صاحب دعوى بطلان عقد مدينتي أ. ناجي رشاد - صاحب قضية الحد الأدنى للأجور م. محمد أبو شادي - المهندس بشركة المحاريث الزراعية الإعلامية بثينة رشوان - رئيس حركة مصريون ضد الفساد
