ما بين نسبة الـ 40% التي اقترحها حزب الحرية والعدالة لتمثيل النواب البرلمانيين في تشكيل الجمعية التأسيسية للدستور، ونسبة الـ 50 % التي اقترحها حزب النور السلفي ، دارت المعارك السياسية داخل البرلمان اليومين اللى فاتوا في حين لم يتطرق أي من الجانبين للحديث بشكل مستفيض عن بقية المعايير اللي من المتوقع أن تقوم عليها الجمعية التأسيسية.
... واذا كان دة الحال داخل البرلمان فخارج البرلمان كانت الامور مختلفة شوية، ...كان فية قوى سياسية تانية بتطالب باستبعاد البرلمان اصلاً من تأسيسية الدستور ودة لضمان عدم التعارض مع طبيعة عمل النواب، لأنهم شايفين أن من المفترض إن الدستور يكون هو السلطة الأعلى اللي يتكون على أساسها البرلمان مش العكس ..
ومش كدة وبس دا فية دعوى قضائية رفعها احد المحامين بتطالب باستبعاد النواب من الجمعية التاسيسية للدستور لانة شايف ان دة بيتنافى مع الاعلان الدستوري.
.... وطبعا ما بين دا ودا المصريين منتظرين على احر من الجمر انهم يشوفو شكل دستورهم المنتظر "دستور الثورة " ... احنا معانا النهاردة الدكتور حسن نافعه استاذ العلوم السياسية نتكلم معاه في الموضوع دة والعديد القضايا المطروحة على الساحة السياسية ... اهلا بيك يا دكتور في من جديد
Comments