ست الكل وردة " خليك معايا
كلمات بهاء صلاح جاهين و ألحان صلاح الشرنوبي
من فيلم " ليه يادنيا
--------------
حبيبي خليك معايا حكايتنا أجمل حكاية
حبيبي حبيبي حبيبي
فاتت سنين واحنا لسه كأننا في البداية
خايفة لإيد الزمان تكتب أوام النهاية
حبيبي خليك معايا

حبيبي عشي الجميل حضن الدفا والهنا
يا حلم كان مستحيل وحققه ربنا
على كتف مين راح اميل
برأسي وانعس أنا ومين ح يسمع غنايا

خليك دي لسه الحياه شايلنا أفراح كثير
والورد لسه في صباه كاتم في قلبه العبير
ومين مين ح يسقي الندى
غير قلبك أنت الكبير
اسمع نداه و ندايا

رايح لفين خليك ح عيش لمين غير ليك
أنا أعيش لمين
قلبي بينبض في صدرك وروحي وردة في إيديك
غمضت ليه يا حبيبي حياتــــي نجمة فـــــي عينيك
و أنت غرامي وهوايا