Pune Fire News : फटाक्यांची आतषबाजी ठरली धोकादायक! पुण्यात आगीच्या २४ घटना

दिवाळीच्या उत्साहात फटाक्यांच्या आतषबाजीमुळे पुणे शहर आणि उपनगरांमध्ये आगीच्या घटनांनी अग्निशमन दलाची धावपळ उडाली. लक्ष्मीपूजनाच्या दिवशी शहर आणि परिसरातील तब्बल २४ ठिकाणी आग लागल्याच्या घटना घडल्या. बहुतांश ठिकाणी फटाक्यांमुळे आग लागल्याचा प्राथमिक अंदाज आहे. सुदैवाने या घटनांमध्ये कोणतीही जीवितहानी झाली नाही. दिवाळीच्या पार्श्वभूमीवर संभाव्य दुर्घटना टाळण्यासाठी पुणे अग्निशमन दलाकडून यंदा 'सुरक्षित दिवाळी' मोहीम राबवण्यात आली होती. ध्वनिक्षेपकाद्वारे नागरिकांना सुरक्षितपणे दिवाळी साजरी करण्याचे आवाहनही करण्यात आले होते. मात्र, लक्ष्मीपूजनाच्या दिवशी दुपारी तीन ते रात्री नऊ या वेळेत आगीच्या २४ घटनांची नोंद झाली. आगीची माहिती मिळताच अग्निशमन दलाच्या जवानांनी घटनास्थळी धाव घेत आगीवर नियंत्रण मिळवले.

#Pune #PuneNews #Diwali #FireIncidents #PuneFireBrigade #MaharashtraNews #Lokmat #LokmatNews