आशियाई क्रीडा स्पर्धेत सुवर्णपदक जिंकणाऱ्या भारतीय महिला हॉकीपटू ऋतुजा पिसाळ यांचे पुण्यात स्वागत करण्यात आले. तब्बल 44 वर्षांनंतर हॉकीमध्ये पदक मिळाल्याचा खूप आनंद असल्याचे ऋतुजा यांनी सांगितले. हॉकी महाराष्ट्र, मनोज भोरे आणि त्यांच्या स्टाफने केलेल्या सहकार्याबद्दल त्यांनी आभार व्यक्त केले. चीनसारख्या मजबूत संघामुळे पदक जिंकणे कठीण होते, मात्र संघाने सामन्यांसाठी योग्य नियोजन केल्याचे ऋतुजा यांनी सांगितले. सातारा आणि पुण्यात झालेल्या स्वागताबद्दलही त्यांनी आनंद व्यक्त केला. पुढील तयारीसाठी संघ बंगळुरूमध्ये कॅम्प करणार असून तिथे नियमित सराव सुरू राहणार असल्याचे त्यांनी सांगितले. नव्या खेळाडूंनी हार मानू नये, मेहनत करावी आणि शिस्त पाळावी; त्यामुळे त्यांनाही पदक जिंकता येईल, असा संदेश ऋतुजा पिसाळ यांनी दिला.
