दुष्काळग्रस्त शेतकऱ्यांना तातडीची मदत; केंद्राची वाट न बघता राज्य सरकारची मोठी घोषणा! Drought

CM Devendra Fadnavis on Drought राज्यात अनेक जिल्ह्यांमध्ये पावसाने ओढ दिल्याने पिकांचे मोठे नुकसान होत असून शेतकरी दुहेरी संकटात सापडला आहे. या गंभीर परिस्थितीवर मात करण्यासाठी मुख्यमंत्री देवेंद्र फडणवीस यांनी शेतकऱ्यांना तातडीची मदत देण्याची मोठी घोषणा केली आहे. येत्या आठवडाभरात दुष्काळी परिस्थितीचा आढावा घेऊन लगेचच पंचनामे करण्याचे निर्देश देण्यात आले आहेत. केंद्राच्या एनडीआरएफच्या मदतीची वाट न पाहता राज्य सरकार थेट मदत करेल, अशी ग्वाही मुख्यमंत्र्यांनी दिली. तसेच जनावरांसाठी चारा, संध्याकाळी अतिरिक्त वीज आणि मराठवाड्यातील धरणांमध्ये पिण्याच्या पाण्याचे योग्य नियोजन सरकारकडून करण्यात येत आहे.