सेनासाहेब सुभा श्रीमंत राजे रघुजी महाराज भोंसले यांच्या कालखंडापासून, म्हणजेच इसवी सन १७२८ पासून नागपूरच्या सिनीअर भोसला पॅलेसमध्ये महालक्ष्मी पूजनाची ऐतिहासिक परंपरा सुरू आहे. राजे मुधोजी महाराज भोंसले यांच्या वाड्यात यावर्षी महालक्ष्मी पूजनाला २९८ वर्षे पूर्ण झाली आहेत. जुन्या अलंकार जडीत चांदीच्या महालक्ष्मी मूर्ती आणि फराळाचा फुलोरा हे या पारंपारिक उत्सवाचे मुख्य आकर्षण असून, नागपूरच्या समृद्ध संस्कृतीचा हा वारसा आजही मोठ्या श्रद्धेने जपला जात आहे. तब्बल तीनशे वर्षांच्या या परंपरेला राजघराण्याच्या धार्मिक आणि सांस्कृतिक वारशाची जोड आहे.पूजाविधी आणि परंपरा आजही भोसले घराण्याचे वंशज जपून ठेवत आहेत. महालक्ष्मी व गणपतीच्या दर्शनासाठी भाविकांमध्ये मोठा उत्साह पाहायला मिळतो. नागपूरच्या इतिहासाशी आणि राजघराण्याच्या परंपरेशी जोडलेला हा उत्सव शहराच्या सांस्कृतिक वैभवाची ओळख करून देतो. श्रद्धा, परंपरा आणि इतिहास यांचा सुंदर संगम या पूजनातून अनुभवायला मिळतो.
Comments