Mumbai Cyber Crime | डिजिटल अरेस्ट रॅकेटमध्ये 6 अटक: मुंबई सायबर | Digital Arrest | Cyber Fraud

मुंबई क्राइम ब्रँचच्या सायबर विभागाने डिजिटल अरेस्ट आणि इन्व्हेस्टमेंट फ्रॉडशी संबंधित तीन प्रकरणांची माहिती दिली. नॉर्थ सायबर पोलीस ठाण्यात ऑगस्टमध्ये दाखल झालेल्या सुमारे 1 कोटी 12 लाख रुपयांच्या डिजिटल अरेस्ट प्रकरणात सहा आरोपींना अटक करण्यात आली आहे. पीडित व्यक्ती 68 वर्षांची ज्येष्ठ नागरिक असल्याचे पोलिसांनी सांगितले.

या प्रकरणात म्यूल अकाउंट, त्यासाठी कागदपत्रे देणे, OTP ट्रान्सफरसाठी हँडसेट आणि सिमकार्ड पुरवणे तसेच संपूर्ण गटाचे समन्वय करण्यामध्ये आरोपींचा सहभाग असल्याचे तपासात समोर आल्याचे पोलिसांनी सांगितले. अटक करण्यात आलेल्यांमध्ये एका बँकेचा रिजनल मॅनेजर आणि IIT दिल्लीमधून पदवी घेतलेला वेब डेव्हलपर असल्याची माहिती देण्यात आली. बँकेला अकाउंट होल्ड किंवा फ्रीज करण्यासाठी आलेल्या पोलिसांच्या नोटिसची माहिती आरोपींपर्यंत पोहोचवल्याचा आरोप संबंधित बँक अधिकाऱ्यावर आहे. या प्रकरणात सुरुवातीला सुमारे 12.5 लाख रुपये होल्ड करण्यात आले आणि आतापर्यंत 11 लाख रुपयांची रिकव्हरी करण्यात आली आहे.

दुसऱ्या इन्व्हेस्टमेंट फ्रॉड प्रकरणात दिल्ली आणि उत्तर प्रदेशातील तीन ठिकाणी छापे टाकून तीन आरोपींना अटक करण्यात आली. एका आरोपीकडून 100 मोबाइल हँडसेट, त्यापैकी 91 कीपॅड फोन, 669 सिमकार्ड, कॉम्प्युटर, CPU, चार्जर्स, मोबाइल बॅटरी, चेकबुक आणि पासबुक जप्त करण्यात आले. या प्रकरणात विदेशातील काही IP आढळल्याने त्याचाही तपास सुरू असल्याचे पोलिसांनी सांगितले.

तिसऱ्या इन्व्हेस्टमेंट फ्रॉडमध्ये ज्येष्ठ नागरिकाला मोठ्या नफ्याचे आमिष आणि बनावट ग्राफ दाखवून सुमारे 1 कोटी 89 लाख रुपये गुंतवण्यास भाग पाडल्याचे पोलिसांनी सांगितले. या प्रकरणात सातारा, पुणे आणि पनवेल-कळंबोली येथून चार आरोपींना अटक करण्यात आली. सुमारे 27 लाख रुपये होल्ड करण्यात आले असून जवळपास 10 लाख रुपयांची रिकव्हरी झाल्याची माहिती पोलिसांनी दिली.

मुंबई पोलिसांनी नागरिकांना ‘डिजिटल अरेस्ट’ नावाची कोणतीही कायदेशीर प्रक्रिया अस्तित्वात नसल्याचे सांगत अशा दाव्यांवर विश्वास ठेवू नये आणि फसवणूक झाल्यास तातडीने जवळच्या पोलीस ठाण्याशी संपर्क साधावा किंवा 1930 वर कॉल करावा, असे आवाहन केले.

#MumbaiCyberCrime #DigitalArrest #CyberFraud #MumbaiCrimeBranch #InvestmentFraud #MumbaiPolice #CyberCrime #MumbaiNews #MarathiNews #Asianetnewsmarathi #crime

तुमची प्रतिक्रिया जरुर व्यक्त करा

बातम्यांसाठी वेबसाईटवर जा https://marathi.asianetnews.com/

Like us on Facebook: https://www.facebook.com/asianetmarathinews/

Follow us on Instagram: https://www.instagram.com/asianetmarathinews/

Follow us on Twitter: https://x.com/AsianetNewsMH

Follow us on WhatsApp: https://whatsapp.com/channel/0029VbBClCr05MUdDR4CdO1o

Follow us on Arattia App: https://aratt.ai/@asianetnews_marathi

Download the Asianet News App now! Available on Android & iOS
👉 Android:
https://play.google.com/store/apps/details?id=com.vserv.asianet&hl=en_IN

👉 iOS:
https://apps.apple.com/in/app/asianet-news-official/id1093450032

➡ If you like our video, give us a thumbs up and subscribe to our channel to get the daily dosage of news, entertainment, sports and more.