భోగాపురం ఎయిర్​పోర్ట్​ థీమ్​ @ గణేశ్ మండపం

Bhogapuram Airport Ganesh Mandapam : విశాఖ జిల్లాలో వినాయక నవరాత్రి ఉత్సవాలు ఘనంగా జరుగుతున్నాయి. వివిధ ప్రాంతాల్లో గణనాథుడు విభిన్న రూపాల్లో భక్తులకు దర్శనమిస్తున్నాడు. భీమునిపట్నం జోన్ చేపలుప్పాడలో భోగాపురం ఎయిర్​పోర్ట్​ థీమ్‌తో ఏర్పాటు చేసిన మండపం అందరినీ ఆకట్టుకుంటోంది.  చేపల వేటే ప్రధాన వృత్తిగా జీవనం సాగిస్తున్న మత్స్యకార యువకులు ఏటా వివిధ ఆకృతులతో వినాయక మండపాలను ఏర్పాటు చేస్తుంటారు.ఈ ఏడాది విభిన్నంగా అల్లూరి అంతర్జాతీయ విమానాశ్రయం థీమ్​తో వినాయక మండపం నమూనాను ఏర్పాటు చేశామని నిర్వాహకులు తెలిపారు. భోగాపురం ఎయిర్​పోర్ట్​ను ఎక్కువమంది చూడలేకపోయారని ఆలోటును తీర్చేందుకే  దీనిని ఏర్పాటు చేసినట్లు పేర్కొన్నారు. సుమారు 80 మంది యువకుల సమిష్టి కృషికి నిదర్శనమే ఈ మండపమని వివరించారు. ఈ సెట్టింగ్​తో పాటు వినాయకుడిని దర్శించుకునేందుకు చుట్టుపక్కల ప్రాంతాల నుంచి పెద్ద సంఖ్యలో భక్తులు వస్తున్నారని చెప్పారు. భవిష్యత్​లో మరిన్ని ఆలోచనాత్మక మండపాలెన్నో రూపకల్పన చేస్తామని అందరూ ఐకమత్యంగా ఉండాలనేదే తమ లక్ష్యమని వారు వెల్లడించారు.