८ लाखांचा सागवानी नंदी! पाहा कारागिरीचा अद्भूत नमुना

विदर्भाच्या मातीत २३७ वर्षांची ऐतिहासिक परंपरा असलेला 'तान्हा पोळा' लहान बालगोपाळांसाठी मोठ्या उत्साहात साजरा केला जातो. यानिमित्त नागपूरच्या प्रसिद्ध 'लकडा बाजारात' लाकडी नंदीबैलांची मोठी खरेदी-विक्री पाहायला मिळते. यामध्ये वर्धयाच्या शिल्पकाराने बनवलेला तब्बल ७.५ फूट उंच आणि ८ लाख रुपयांचा सागवानी नंदीबैल संपूर्ण बाजाराचे मुख्य आकर्षण ठरला असून, "हौसेला मोल नसते" या म्हणीची यानिमित्ताने तंतोतंत प्रचिती येते. या भव्य आणि देखण्या नंदीची कारागिरी खरोखरच अंगावर रोमांच आणणारी असून, त्यामागच्या कलाकाराच्या अतोनात मेहनतीचे आणि कलेचे जितके कौतुक करावे तितके थोडेच आहे.