​पावसाची मोठी तूट, शेती धोक्यात!ऑगस्टमध्ये पावसाची पाठ; विदर्भावर दुष्काळाचे सावट! Weather Updates

Vidarbha Weather Updates हवामान विभागाच्या आकडेवारीनुसार, ऑगस्ट महिन्यात विदर्भात २९७ मिलिमीटर पाऊस अपेक्षित होता; मात्र प्रत्यक्षात केवळ १२५ मिलिमीटर पावसाचीच नोंद झाली. यामध्ये सर्वाधिक फटका अकोला जिल्ह्याला बसला असून, तिथे तब्बल ८४ टक्के पावसाची तूट आहे. अमरावतीत ८२ टक्के, यवतमाळात ७८ टक्के, वर्ध्यात ७३ टक्के, तर नागपूर आणि वाशिममध्ये प्रत्येकी ७१ टक्के पावसाची तूट नोंदवली गेली आहे.ऑगस्ट महिन्यातील या तुटीमुळे जून ते ऑगस्ट या कालावधीतील एकूण पावसावरही मोठा परिणाम झाला आहे. या तीन महिन्यांत विदर्भात ७८१ मिलिमीटर अपेक्षित असताना, प्रत्यक्षात ६०७ मिलिमीटर पावसाची नोंद झाली, ज्यामुळे एकूण तूट २२ टक्क्यांवर पोहोचली आहे. जून आणि जुलैमध्ये काहीसा पाऊस झाला तरी, ऑगस्टमध्ये पावसाने अचानक दडी मारल्यामुळे शेतकरी चिंतेत आहेत.

#weather #maharashtraweather #maharashtranews