బ్రిటన్​లో కేటీఆర్​ పుట్టినరోజు వేడుకలు

KTR Birthday Celebrations At Britain : మాజీ మంత్రి, బీఆర్ఎస్​ వర్కింగ్​ ప్రెసిడెంట్ కేటీఆర్ 50వ పుట్టినరోజు సందర్భంగా విదేశాల్లోని అభిమానులు వేడుకలు ఘనంగా నిర్వహించారు. ఎన్ఆర్​ఐ బీఆర్​ఎస్​ యూకే యువజన విభాగం ఆధ్వర్యంలో బ్రిటన్​లో ​ఏరియల్ బ్యానర్ టోయింగ్ ప్రత్యేక ఆకర్షణగా నిలిచింది. అనంతరం కేక్​ కట్​ చేసి, కేటీఆర్​కు శుభాకాంక్షలు తెలిపారు. ప్రశాంత్ మామిడాల, తరుణ్ లూనావత్, హరికృష్ణ మామిళ్ల ఆధ్వర్యంలో ఈ కార్యక్రమం నిర్వహించారు. తెలంగాణ అభివృద్ధికి కేటీఆర్ ఎంతో కృషిచేసినట్లు తెలిపారు. కేటీఆర్​ పట్ల అభిమానం, గౌరవంతో పుట్టినరోజు వేడుకలు నిర్వహించినట్లు చెప్పారు. మరోవైపు సికింద్రాబాద్​ బోయిన్​పల్లిలో మాజీ మంత్రి మల్లారెడ్డి నివాసంలో కేటీఆర్​ పుట్టిన రోజు వేడుకలు ఘనంగా నిర్వహించారు. మేడ్చల్ కార్యకర్తలతో కలిగి మల్లారెడ్డి కేక్ ​కట్ చేశారు. కేటీఆర్​కు జన్మదిన శుభాకాంక్షలు చెప్పారు. తెలంగాణలో కాంగ్రెస్ ప్రభుత్వంపై వీరోచితంగా పోరాడుతున్నారని ప్రశంసించారు. తెలంగాణ రాష్ట్రానికి కేటీఆర్​ ముఖ్యమంత్రి కావాలని ఆకాంక్షిస్తున్నట్లు తెలిపారు.