ಬೆಂಗಳೂರು: 2 ವರ್ಷದ ಮಗುವಿನ ನಿಗೂಢ ಸಾವು - ತಂದೆ-ತಾಯಿ ಮೇಲೆ ಅನುಮಾನ

ಬೆಂಗಳೂರಿನ ಬಾನಸ್ವಾಡಿಯ ಸುಬನ್ನಯ್ಯ ಪಾಲ್ಯದಲ್ಲಿ 2 ವರ್ಷದ ಮಗು ನಿಗೂಢವಾಗಿ ಮೃತಪಟ್ಟಿದೆ. ಮಗುವಿನ ಕೈಯಲ್ಲಿ ಸುಟ್ಟ ಗಾಯಗಳು ಮತ್ತು ಕಣ್ಣಿನ ಬಳಿ ಗಾಯದ ಗುರುತುಗಳಿದ್ದು, ಸಂಬಂಧಿಕರು ತಂದೆ-ತಾಯಿ ಮೇಲೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ಮಗುವಿಗೆ ಉಸಿರಾಟದ ಸಮಸ್ಯೆ ಕಾಣಿಸಿಕೊಂಡ ನಂತರ ಆಸ್ಪತ್ರೆಗೆ ಕರೆದೊಯ್ಯುವ ವೇಳೆ ಮೃತಪಟ್ಟಿದೆ. ತಂದೆ ಜೇಸನ್ ಪೊಟ್ ತಾನು ಹಲ್ಲೆ ಮಾಡಿಲ್ಲ ಎಂದು ಹೇಳಿದ್ದು, ತಾಯಿ ರೋಸ್ಲಿನ್ ತನ್ನ ಪತಿಯ ಸ್ನೇಹಿತೆ ಮಗುವಿಗೆ ಹಲ್ಲೆ ಮಾಡಿದ್ದಾಳೆ ಎಂದು ಆರೋಪಿಸಿದ್ದಾರೆ. ಮಗುವಿಗೆ ಟಿಬಿ ರೋಗಿಗಳ ಔಷಧಿ ನೀಡಿದ ಕಾರಣ ಮೃತಪಟ್ಟಿದೆ ಎಂಬ ಆರೋಪವೂ ಇದೆ. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.