Smart Cage | विदर्भ आणि मराठवाड्यातील वाढत्या हिंस्र प्राण्यांच्या हल्ल्यांपासून नागरिकांना वाचवण्यासाठी नागपूर विद्यापीठाच्या संशोधकांनी एक क्रांतिकारी 'लोखंडी पिंजरा' विकसित केला आहे. हा पिंजरा शारीरिक संरक्षणासोबतच, त्यातील विशेष साऊंड सिस्टिमद्वारे प्राण्याला दूर पळवण्यास सक्षम आहे. धोक्याच्या वेळी केवळ एक 'हुक' दाबल्यास हा पिंजरा सक्रिय होतो आणि मोठा आवाज करून प्राण्याला पळवून लावतो. या तंत्रज्ञानाला पेटंट मिळाले असून, वन विभागाने याचे प्रायोगिक परीक्षण करणे अपेक्षित आहे. डॉ. संजय ढोबळे आणि डॉ. अमित बनसोड यांच्या मार्गदर्शनाखाली हे महत्त्वपूर्ण संशोधन आकारास आले आहे.
Comments