ଦୁଇଟି ଟ୍ରକ ମୁହାଁମୁହିଁ ଧକ୍କା ପରେ ଜଳିଗଲେ ଦୁଇ ଡ୍ରାଇଭର

ସୁନ୍ଦରଗଡ଼:  ବିଜୁ ଏକ୍ସପ୍ରେସ ୱେରେ ଅଘଟଣ । ଦୁଇଟି ଟ୍ରକ ମୁହାଁମୁହିଁ ଧକ୍କା ପରେ ଜଳିଗଲେ ଦୁଇ ଡ୍ରାଇଭର । ଭସ୍ମା ଥାନା କଇଁତରା ବିଜୁ ଏକ୍ସପ୍ରେସ ୱେ ଉପରେ ଏଭଳି ଦୁର୍ଘଟଣା ଘଟିଛି । ଗାଡି ଭିତରେ ଜୀବନ୍ତ ଜଳି ଯାଇଛନ୍ତି ୨ ଜଣ ଡ୍ରାଇଭର । ସୁନ୍ଦରଗଡରେ ଦୁଇଟି ୧୮ ଚକିଆ ଟ୍ରଲର ମୁହାଁମୁହିଁ ଧକ୍କା ହୋଇଛି । ଡିଭାଇଡ଼ର ଭାଙ୍ଗି ଅନ୍ୟ ରୁଟରେ ଆସୁଥିବା ଗାଡିକୁ ଧକ୍କା ଦେଇଛି ଆଉ ଏକ ଟ୍ରଲର ।  ସ୍ଥାନୀୟ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।ଡ୍ରାଇଭରଙ୍କ ପରିଚୟ  ମିଳିପାରିନାହିଁ । ଅଗ୍ନିକାଣ୍ଡ ଏତେ ଭୟାବହ ଥିଲା ଯେ ମୃତକଙ୍କ ପରିଚୟ ମିଳିବା କଷ୍ଟକର ହୋଇଛି । ମୃତକଙ୍କ ପରିଚୟ ଖୁବଶୀଘ୍ର ଜମାପଡିବ ବୋଲି କର୍ତ୍ତୃପକ୍ଷ କହିଛନ୍ତି । ପୋଲିସ ନିଜ ଆଡୁ ଏକ ମାମଲା ରୁଜୁ କରିଛି । ଦୁର୍ଘଟମାର ପ୍ରକୃତ କାରଣ ଜାଣିବା ପାଇଁ ପୋଲିସ ତଦନ୍ତ ଚଳାଇଛି ।  ଏହି ଘଟଣା ପରେ ଝାରସୁଗୁଡ଼ା ଏବଂ ସୁନ୍ଦରଗଡ଼କୁ ସଂଯୋଗ କରୁଥିବା ବ୍ୟସ୍ତବହୁଳ ରାଜପଥରେ ଭାରୀ ଯାନବାହନ ଚଳାଚଳ ସହିତ ଜଡିତ ବିପଦ ଏବଂ ସଡ଼କ ସୁରକ୍ଷା ଉପରେ ନୂତନ ଚିନ୍ତା ସୃଷ୍ଟି କରିଛି।