ಇರಾನ್-ಅಮೇರಿಕಾ ಎರಡನೇ ಸುತ್ತಿನ ಶಾಂತಿ ಮಾತುಕತೆ: ಪರಮಾಣು ವಿವಾದ ಕೇಂದ್ರಬಿಂದು

ಇರಾನ್ ಮತ್ತು ಅಮೇರಿಕಾ ನಡುವೆ ಎರಡನೇ ಸುತ್ತಿನ ಶಾಂತಿ ಮಾತುಕತೆ ನಡೆಯುವ ಸಾಧ್ಯತೆ ಇದೆ. ಎಪ್ರಿಲ್ 22ಕ್ಕೆ ಕದನ ವಿರಾಮ ಅಂತ್ಯವಾಗಲಿದ್ದು, ಅದರೊಳಗೆ ಸಂಧಾನ ಮುಗಿಸುವ ಉದ್ದೇಶ ಹೊಂದಲಾಗಿದೆ. ಮೊದಲ ಸಂಧಾನ ತಾರ್ಕಿಕ ಅಂತ್ಯ ಕಾಣಲಿಲ್ಲ. ಅಮೇರಿಕಾದ ಬಹುತೇಕ ಶರತ್ತುಗಳಿಗೆ ಇರಾನ್ ಒಪ್ಪಿಗೆ ನೀಡಿದ್ದು, ಪರಮಾಣು ಕಾರ್ಯಕ್ರಮವನ್ನು 20 ವರ್ಷ ಮುಂದೂಡಬೇಕೆಂದು ಅಮೇರಿಕಾ ಒತ್ತಾಯಿಸುತ್ತಿದ್ದರೆ, ಇರಾನ್ 5 ವರ್ಷ ಮಾತ್ರ ನಿಲ್ಲಿಸಲು ಸಿದ್ಧ ಎಂದಿದೆ. ಹಾರ್ಮೋಸ್ ಜಲಸಂದಿ ಬಳಿ ಅಮೇರಿಕಾ ನೌಕಾಪಡೆ ನಿಲ್ಲಿಸಿ ಒತ್ತಡ ಹೇರುತ್ತಿದೆ. ಇದೇ ವೇಳೆ ಲೆಬನಾನ್‌ನ ಆಸ್ಪತ್ರೆ ಮೇಲೆ ಇಸ್ರೇಲ್ ಬಾಂಬ್ ದಾಳಿ ನಡೆದಿದ್ದು, ಆಸ್ಪತ್ರೆಗೆ ತೀವ್ರ ಹಾನಿಯಾಗಿದೆ.