শিলচৰত হিমন্ত বিশ্ব শৰ্মাৰ ৰোড শ্ব'ত; লক্ষাধিক জনতাৰ মাজতো মুখ্যমন্ত্ৰীয়ে উঠিলে চেল্ফী

 শিলচৰ : শিলচৰ চহৰৰ ৰাজপথত সমবেত লক্ষাধিক জনতাৰ মাজত শুনিবলৈ পোৱা গ'ল 'মামা,মামা' । শুকুৰবাৰে দলীয় কৰ্মী-সমৰ্থকৰ উপস্থিতিত শিলচৰত ৰোড শ্ব'ত অংশগ্ৰহণ কৰে মুখ্যমন্ত্ৰী ড৹ হিমন্ত বিশ্ব শৰ্মাই । সন্ধিয়া ৬:৩০ বজাত শিলচৰৰ ভাৰতীয় জনতা পাৰ্টীৰ কাৰ্যালয়ৰ ওচৰৰ ইটাখোলা খেলপথাৰৰ পৰা এই ৰোড শ্ব' আৰম্ভ হয় ।শিলচৰৰ বিজেপি প্ৰাৰ্থী ডাঃ ৰাজদ্বীপ ৰয়, উধাৰবন্দ বিধানসভা সমষ্টিৰ ৰাজদ্বীপ গোৱালা আৰু লক্ষীপুৰ বিধানসভা সমষ্টিৰ প্ৰাৰ্থী কৌশিক ৰায়ক লগতে লৈ এই ৰোড শ্ব'ত অংশগ্ৰহণ কৰে মুখ্য়মন্ত্ৰীগৰাকীয়ে ।শিলচৰ চহৰৰ ইটাখোলা পইণ্টৰ পৰা ৰাঙ্গিৰখাড়ীলৈকে পথৰ দুয়োকাষে কেৱল জনতাৰ ভিৰ । নিশা ৮:৪৫ বজালৈকে মুখ্য়মন্ত্ৰীয়ে এই কাৰ্যসূচীত অংশগ্ৰহণ কৰে । ইয়াৰ মাজতে মুখ্য়মন্ত্ৰীৰ সৈতে চেল্ফী তুলিবলৈ হেতাওপৰা সমৰ্থকৰ।  ইয়াৰ পূৰ্বে শুকুৰবাৰে পুৱা মুখ্যমন্ত্ৰীয়ে বৰাক উপত্যকাৰ বিজেপি প্ৰাৰ্থীসকলৰ হৈ বিভিন্ন ঠাইত নিৰ্বাচনী জনসভাত অংশগ্ৰহণ কৰে । প্ৰথমে ১২১ নং হাইলাকান্দি বিধানসভা সমষ্টিৰ প্ৰাৰ্থী মিলন দাসৰ জনসভাত অংশগ্ৰহণ কৰে । তাৰ পিছত কাছাৰ জিলাৰ ১২০ নং ধলাই বিধানসভা সমষ্টিৰ অন্তৰ্গত পালংঘাট উচ্চতৰ মাধ্যমিক বিদ্যালয় খেলপথাৰত দলীয় প্ৰাৰ্থীৰ হৈ নিৰ্বাচনী সভাত অংশ লয় । তদুপৰি ১২১ নং কাটিগড়া বিধানসভা সমষ্টিৰ প্ৰাৰ্থী কমলাক্ষ দে পুৰকায়স্থ আৰু ১১৭ নং বৰখলা বিধানসভা সমষ্টিৰ প্ৰাৰ্থী কিশোৰ নাথৰ হৈ নিৰ্বাচনী সভাত অংশগ্ৰহণ কৰে ।লগতে পঢ়ক:এন ডি এ প্ৰাৰ্থীৰ সমৰ্থনত গুৱাহাটীত বিশাল ৰোড শ্ব' অমিত শ্বাহৰপ্ৰতিশ্ৰুতিৰ ফুলজাৰিৰে মঙলদৈত মুখ্যমন্ত্ৰীৰ বিজয় সংকল্প যাত্ৰা