മലയാളത്തിന്റെ സൂപ്പർസ്റ്റാർ മഞ്ജു വാര്യരുടെ ബൈക്ക് സവാരിയോടെ വീണ്ടും യാത്രാ പ്രേമികളുടെ ബക്കറ്റ് ലിസ്റ്റിലെത്തിയിരിക്കുകയാണ് തമിഴ്നാട്ടിലെ ധനുഷ്കോടി. ധനുസിന്റെ അറ്റം എന്നാണത്രേ ധനുഷ്കോടി എന്ന വാക്കിന് അർഥം. പേര് പോലെ തന്നെ, ഇന്ത്യയുടെ അറ്റത്തായി സ്ഥിതിചെയ്യുന്ന ഈ പഴയ തുറമുഖപട്ടണത്തിന് ആരാധകരേറെയാണ്. തീർത്ഥാടന നഗരമായ രാമേശ്വരത്ത് നിന്നും പ്രകൃതിഭംഗി ആസ്വദിച്ച് കൊണ്ട് അരമണിക്കൂറോളം യാത്ര ചെയ്താൽ ധനുഷ്കോടിയിലെത്താം.
