كاملة أبو ذكري تبكي تأثرًا بحالة شريف دسوقي

تأثرت المخرجة كاملة أبو ذكري بما تعرض له الفنان شريف دسوقي، بعد خضوعه لعملية بتر القدم السكري.
وتحدثت رسالة صوتية لها ببرنامج MBCTrending وقالت كاملة أبو ذكري: "أنا مهما قلت عنك كتير مش حعرف أوفيك حقك في أخلاقك وأدبك وطيبتك وموهبتك".
وتابعت:"وحزينة على كل اللي حصل بعد ما خلصنا المسلسل، وكل الناس كانت فاكرة لما كنت بقول في ناس إتغرت في بـ 100 وش ده كان شريف دسوقي، والحقيقة أنا مكنتش بقصد شريف خالص".
وأضافت:"الحقيقة إن شريف لا يمت للغرور بصلة، هو أبسط وأطيب وأحن ، هو فنان أوي في وقت إحنا في غابة، ومتحملش الغابة اللي إحنا فيها".
واختتمت:"بس إنت قدها وقدود يا أستاذ شريف، وأنا بقولك يا أستاذ لإنك فعلاً أستاذ كبير قوي. ناس كتير بيحصلها مشاكل في حياتها، وبتقدر تقف أقوى على رجليها. بإذن الله يديك الصحة والعمر ويخليك لينا ونشوفك منور تاني ع الشاشة".