గరుడ వాహనంపై తిరుమలేశుడి వైభవం

Tirumala Brahmotsavam Garuda Vahana Seva : తిరుమలేశుడికి అత్యంత ప్రీతిపాత్రమైన గరుడ వాహన సేవ నేత్రపర్వంగా సాగింది. తిరుమల శ్రీవారి బ్రహ్మోత్సవాల్లో ఐదోరోజు రాత్రి స్వామివారు గరుడ వాహనంపై విహరిస్తూ భక్తులను తన్మయపరిచారు. గర్భాలయంలో మూలవర్లకు సదాసమర్పణలో ఉండే చతుర్భుజ లక్ష్మీహారం, ఐదుపేట్ల సహస్రనామం, మకరకంఠి అభరణాలు ధరించిన శ్రీనివాసుడు తిరుమాఢ వీధుల్లో విహరించారు. వాహనం ముందు గజరాజులు నడవగా, జీయ్యంగార్లు స్వామినికీర్తిస్తుండగా, భక్త బృందాలు భజనలు, కోలాటాలతో నేత్రపర్వంగా సాగింది