Bharkain Meri Pyas Ko Aksar Teri Ankhen _ بھڑکائیں مری پیاس کو اکثر تری آنکھیں _ Mohsin Naqvi

Bharkain Meri Pyas Ko Aksar Teri Ankhen | بھڑکائیں مری پیاس کو اکثر تری آنکھیں | Mohsin Naqvi

Poet: Mohsin Naqvi
Voice: Sheen Alif

Shamsi Music Channel

بھڑکائیں مری پیاس کو اکثر تری آنکھیں
صحرا مرا چہرا ہے سمندر تری آنکھیں

پھر کون بھلا داد تبسم انہیں دے گا
روئیں گی بہت مجھ سے بچھڑ کر تری آنکھیں

خالی جو ہوئی شام غریباں کی ہتھیلی
کیا کیا نہ لٹاتی رہیں گوہر تیری آنکھیں

بوجھل نظر آتی ہیں بظاہر مجھے لیکن
کھلتی ہیں بہت دل میں اتر کر تری آنکھیں

اب تک مری یادوں سے مٹائے نہیں مٹتا
بھیگی ہوئی اک شام کا منظر تری آنکھیں

ممکن ہو تو اک تازہ غزل اور بھی کہہ لوں
پھر اوڑھ نہ لیں خواب کی چادر تری آنکھیں

میں سنگ صفت ایک ہی رستے میں کھڑا ہوں
شاید مجھے دیکھیں گی پلٹ کر تری آنکھیں

یوں دیکھتے رہنا اسے اچھا نہیں محسنؔ
وہ کانچ کا پیکر ہے تو پتھر تری آنکھیں

Bharkain Meri Pyas Ko Aksar Teri Ankhen
Bharkain Meri Pyas Ko Aksar Teri Ankhen
Sehra Mera Chehra Hy samandar Teri Ankhen..

Phir Kon Bhala Dad E Tabassum Unhen Dega
Roin Gi Bohot Mujh Se Bicharh Kar Teri Ankhen..

Khali Jo Hui Sham E Ghariban Ki Hatheli
Kia Kia Na Lutati Rahen Gohar Teri Ankhen..

Bojhal Nazar Ati Hain Bazahir Mujhe Lekin
Khulti Hain Bohot Dil Mein Utar Kar Teri Ankhen..

Ab Tak Meri Yadon Se Mitaye Ni Mitta
Bhegi Hui Ik Sham Ka Manzar Teri Ankhen..

Mumkin Ho To Ik Taza Ghazal Or Bhi Keh Lon
Phir Orh Na Len Khawab Ki Chadar Teri Ankhen..

Mein Sang Saft Aik Hi Raaste Mein Kharha Hon
Shayad Mujhe Dekhen Gi Palat Kar Teri Ankhen..

Yun Dekhte Rehna Use Acha Ni Mohsin,
Wo Kanch Ka Paikar Hy To Pathar Teri Ankhen..