प्रसूतीवेदनेने विव्हळणार्या गायीच्या मदतीला धावले रेन्चो गुरुजी
: थ्रि इडियट चित्रपटातील प्रसंग प्रत्यक्षात घडला डहाणूला; गाय-वासराची सुखरूप सुटका
डहाणू/बोर्डी दि. 16 नोव्हेंबर अनिरुद्ध पाटील
रस्त्याकडेला असह्य प्रसूतीवेदनेने विव्हळणार्या भटक्या गायीची दयनीय अवस्था पाहून नांदेडला असणार्या पशुधन पर्यवेक्षिका पत्नीकडून मोबाईलद्वारे योग्य मार्गदर्शन घेऊन गायीच्या सुखरूप सुटकेस साह्य करणारा शिक्षक तालुक्यात चर्चेचा विषय बनला आहे. आमीर खान यांच्या बहुचर्चित ‘थ्री इडियट’ चित्रपटातील या घटनेशी साम्य असलेला हा थरार शनिवार, 16 नोव्हेंबर रोजी डहाणू फोर्ट येथील मारुती मंदिरानजीक सकाळी सातच्या सुमारास घडला.
डहाणू फोर्ट येथील समाजसेविका उज्वला डामसे आणि लावण्या शेट्टी या महिला शनिवारी सकाळी साडेसहाच्या सुमारास मॉर्निंग वॉकला निघाल्या होत्या. येथील मारुती मंदीरानजीक रस्त्याच्या बाजूला एक गाय प्रसूतीवेदनेने विव्हळत असताना भटकी कुत्री तिला त्रास देत होती. त्यांच्या तावडीतून तिची सुटका करणार्या त्या दोघींना पाहून जयवंत गंधकवाड हे जिल्हा परिषद रायतळी, गडगपाडा शाळेतील शिक्षक शनिवारी सकाळच्या सत्रात भरणार्या शाळेकडे जाताना थांबले. गुंतागुंतीच्या प्रसूतीवेदनेने मरणयातना सोसणार्या गायीला मदत करण्याचा विचार गुरुजींनी केला. याकरिता डहाणूतील त्यांच्या संपर्कातल्या पशूवैद्यांशी मोबाईलद्वारे संपर्क साधल्यानंतर, त्यांना मदत मिळविण्यात अपयश आले. याकरिता नांदेड जिल्ह्यातील हिमायतनगर येथे पशुधन पर्यवेक्षिका असलेल्या त्याच्या पत्नी मिना उटलवाड यांच्याशी मोबाईलद्वारे त्यांनी संपर्क करून परिस्थितीची माहिती दिली. त्यांच्याकडून मार्गदर्शन घेऊन गाईच्या प्रसव कार्याला मदत करण्यास प्रारंभ केला. मात्र वासराचे डोके आत मध्येच राहिल्याने शरीर बाहेर येण्यास अडथळा येत होता. अवधी उलटूनही यश न येता गायीची परिस्थिती बिकट होत असल्याने उपस्थितांची घालमेल वाढत होती. काहीही झाले तरी मागे न हटता सूचनांनुसार काम सुरू ठेवलेल्या शर्थीच्या प्रयत्ननांना यश येताना दिसले. काही वेळाने डोके आणि पाय दिसू लागताच गुरुजींनी स्वत:च्या हातांनी वासरू बाहेर ओढत गायीची सुखरू?
Comments