कमला मिलला आग लागल्यानंतर लपून बसलेल्या मोजो पबच्या मालका सोबत घडल हे | Lokmat News Update

कमला मिलला आग लागल्यानंतर लपून बसलेल्या मोजो पबचा मालक युग तुलीला अखेर १७ दिवसानंतर पोलिसांनी अटक केली आहे. तर मोजो पबचा आणखी एक मालक युग पाठकने यापूर्वीच पोलिसांकडे शरणागती पत्करली आहे. २९ डिसेंबर रोजी कमला मिलला लागलेल्या आगीत १४ लोक ठार झाले होते. त्यानंतर मोजोचे दोन्ही मालक लपून बसले होते. पोलिसांनी त्यांचा सर्वत्र शोध घेतला होता. तुलीने अटकपूर्व जामीनासाठी अर्जही केला होता. पण तो अर्ज फेटाळल्यानंतर युग तुली गायब होता. मात्र हे दोघेही न सापडल्याने पोलिसांनी त्यांच्या नातेवाईकांविरोधात गुन्हे दाखल केले होते. शिवाय मोजोच्या मॅनेजरलाही पोलिसांनी ताब्यात घेतले होते. या कारवाई नंतर युग पाठकने पोलिसांकडे शरणागती पत्करली होती. त्यामुळे युग तुलीनेही अखेर काल रात्री ना म जोशी मार्ग पोलिसांसमोर शरणागती पत्करली. शरण आलेल्या युग तुलीला पोलिसांनी अटक केली. आज त्याला कोर्टात हजर केलं जाईल.

आमच्या चैनल ला सब्सक्राइब करा https://www.youtube.com/LokmatNews