दिवसाचा बराच वेळ हा ऑफिसमध्ये जातो. त्यामुळे फ्रेश राहण्यासाठी अनेकदा झटपट चहाची निवड केली जाते. पण संशोधकांनी नुकतीच टी बॅग्सबाबत एक धक्कादायक खुलासा केला आहे. संशोधका च्या दाव्यानुसार टी बॅग्सवर टॉयलेट सीटपेक्षा अधिक कीटाणू असतात. त्यामुळे नकळत तुम्ही आरोग्याचं नुकसान करत आहात. टॉयलेट सीटपेक्षा 17 पट अधिक कीटाणू हे टी बॅग्सवर असतात. टीबॅगवर 3785 कीटाणू असतात तर टॉयलेटसीटवर हे प्रमाण केवळ 220 कीटाणू असतात. टी बॅग्सप्रमाणे बॅक्टेरियांच्या घातकपणाचा विचार केल्यास केटल हॅन्डलवर 2483, वापरलेल्या मगच्या तळाशी 1746 आणि फ्रीजच्या डोअर हॅन्डलवर 1592 बॅक्टेरियांचा प्रादुर्भाव असू शकतो.त्यामुळे वॉशरूमधून बाहेर पडल्यावर आपण जसे हात स्वच्छ धुतो तसे ऑफिस किचन वापरल्यानंतरही हात स्वच्छ करण्याची गरज आहे.
आमच्या चैनल ला सब्सक्राइब करा https://www.youtube.com/LokmatNews