आग विझवण्यासाठी महापालिकेतर्फे आपल्या ताफ्यात रिमोटवर चालणारे अद्ययावत अग्निशमन वाहन आणले जाणार असून आग शोधून स्वयंचलित पद्धतीने विझवली जाणार आहे. दाटीवाटीने वाढलेल्या शहरात अग्निधोका सर्वात मोठा असतो. आग लागल्यावर ती विझवताना अग्निशमन दलाचे जवान जिवाची बाजी लावत असतात. उंच टॉवर किंवा दाटीवाटीने उभ्या असलेल्या इमारतीत आग विझवणे मोठे आव्हान असते. आगीच्या ज्वाळा एवढय़ा तीव्र असतात की, तिथे जाणे धोक्याचे असते. त्यामुळे महापालिकेने आपल्या ताफ्यात ‘वॉटर टॉवर विथ मॉनिटर’ हे वाहन आणण्याचा निर्णय घेतला आहे. मानवरहित वाहन आणि स्वयंचिलत आग शोधून ती विझवण्याची यंत्रणा असे त्याचे स्वरूप आहे. अशी यंत्रणा फक्त नाशिक महापालिकेकडे आहे.
आमच्या चैनल ला सब्सक्राइब करा https://www.youtube.com/LokmatNews
Comments