महाबिजच्या भेसळयुक्त बियाण्यांची कृषी विभागाकडून दखल

मंगरुळपीर (वाशिम) : महाबिजकडून विक्री करण्यात येत असलेले बियाणे उगवत नसल्याच्या तक्रारी असतांनाच महाबिजचे बियाणे भेसळयुक्त असल्याचा प्रकार मंगरुळपीर तालुक्यातील चांभई येथे आढळून आला होता. याची दखल कृषी विभागाने घेत १ ऑगस्ट रोजी संबंधित शेतकऱ्यांच्या शेताला भेट देऊन प्रत्यक्ष पाहणी केली. यावेळी शेतकऱ्याने मागितलेले बियाणे तर इतर बियाणे ७० टक्के असल्याचे त्यांना आढळून आले.