अकोला बाजारपेठेत गावरान तिळावर संक्रांत

अकोला - गुजरातचे पॅकिंग तीळ ग्राहकांच्या पसंतीस उतरत असल्याने ऐन मकर संक्रांतीच्या सणावर अकोल्याच्या बाजारपेठेत गावरान तिळावर संक्रांत आली आहे. नोटाबंदीनंतर थंडावलेला बाजार अजूनही सुधरला नसल्याने तिळगुळाचा पन्नास टक्के बाजार घसरला आहे. जानेवारीच्या दुसऱ्या आठवड्यात येणाऱ्या मकर संक्रातीच्या निमित्ताने जानेवारीपासूनच गूळ आणि तिळाला ग्राहकांकडून मोठ्या प्रमाणात मागणी असते.