हायकोर्टात खुशाल घेऊन जा चाकू आणि पिस्तूल !

टीम लोकमत : मुंबई - दहशतवाद्यांना, चोरांना, बलात्काºयांना फाशीची किंवा जन्मठेपेची शिक्षा ठोठावत न्याय देणारी संस्था २६/११ च्या भयावह हल्ल्यानंतर कितपत सुरक्षित आहे? हे पाहण्यासाठी ‘लोकमत’ टीमने हायकोर्ट व अट्टल गुन्हेगारांना हजर करण्यात येणा-या सिव्हील अ‍ॅण्ड सेशन्स कोर्ट आवारात ‘स्टिंग आॅपरेशन’ केले. या ‘स्टिंग आॅपरेशन’मधून धक्कादायक वास्तव समोर आले. पोलीस, मेटल डिटेक्टर डोअर, हॅण्ड मेटल डिटेक्टर मशीन, स्कॅनिंग मशीन, येणा-या-जाणा-यांची वैयक्तिक तपासणी आदी सुरक्षेसाठीच्या पुरेशा यंत्रणा उपलब्ध असतानाही केवळ पोलिसांच्या निष्काळजीपणामुळे आमचे प्रतिनिधी संशयास्पद वस्तू घेऊन हायकोर्टासह सत्र न्यायालयात बिनधास्तपणे प्रवेश करू शकले.