न्यू राजापूरने दिला आदर्श: "किर्लोस्कर ऑईल' व "स्वयंसिध्दा'चे मार्गदर्शन | Kolhapur | Sakal Media |

माणसाला शांतता आणि आरोग्यदायी क्रांती हवी असेल तर आयुष्यात आयुष्यापेक्षा काहीही मोठं नाही, याचाच विचार सध्या रुजत आहे. याच पार्श्‍वभूमीवर सकारात्मक विचाराच्या पावलावर पाऊल ठेवून किर्लोस्कर ऑईल इंजिन्स कंपनी व डॉ. व्ही. टी. पाटील फौडेशन यांच्या संयुक्त विद्यामाने सुरु असलेल्या ग्रामीण पुनर्रचना विकास प्रकल्पाच्या माध्यमातून दूधगंगा प्रकल्प वसाहत न्यू राजापूर (राधानगरी) येथील पुर्नवर्सित गावातील महिलांना सक्षम करुन स्वतःचे आणि इतरांच्या आरोग्याला व अर्थकारणाला बळ देण्याचा प्रयत्न सुरु ठेवला आहे. पट्टणकोडोली (ता. हातकणंगले) हद्दीत असलेल्या न्यू राजापूर येथील लोकसंख्या केवळ सातशे. पण, या गावातील महिलांनी गेली तीन वर्षे जागृती, प्रशिक्षण, स्वयंनिर्भरता मार्गाने गावाला स्वयंपूर्ण बनवत आहेत. त्यासाठी "स्वयंसिध्दा'ने गावातील सर्व महिलांना मार्गदर्शन आणि प्रशिक्षणाच्या माध्यमातून "महिला बदलल्या तर घर बदलेल त्याचबरोबर गावही बदलेल' असा विचार येथे रूजवला आहे. (बी.डी. चेचर)
Sakal Media Group is the largest independently owned Media Business in Maharashtra, India. Headquartered in Pune, Sakal operations span across newspapers, TV (SAAM TV), magazines, Internet, and Mobile. With a heritage of over 82 years Sakal Media Group Publishes the number 1 Marathi Newspaper in Maharashtra and also owns and operates its TV channel named SAAM TV.