नागपूरसह विदर्भातील सोमवारच्या महत्त्वाच्या घडामोडी | Marathi News I आजच्या ठळक बातम्या | Sakal

नागपूर : अखिल भारतीय कॉंग्रेस कमिटीच्या आदेशानुसार केंद्र सरकारचे निर्णय आणि कार्यपद्धतीच्या विरोधात सोमवारी दुपारी तीन वाजता राजभवनासमोर आंदोलन करण्यात आले. आंदोलनाचे नेतृत्व राज्याचे ऊर्जामंत्री व नागपूर जिल्ह्याचे पालकमंत्री डॉ. नितीन राऊत यांनी केले.

नागपूर : राज्यपाल भगतसिंग कोश्यारी सध्या नागपूर दौऱ्यावर आहेत. राज्यपालांनी डॉ. हेडगेवार आणि गोळवलकर गुरुजींच्या समाधीस्थळांचं दर्शन घेतलं आणि दीक्षाभूमीवर जाऊन डॉ. बाबासाहेब आंबेडकर यांच्या अस्थीकलशाचं दर्शन घेतलं.

नागपूर : पत्नीच्या अनैतिक संबंधाला कंटाळून पतीने पत्नी व तिच्या प्रियकराची कुऱ्हाडीने गळा चिरून हत्या केली. ही घटना अजनी पोलीस ठाण्याच्या हद्दीतील कल्यानेश्वर परिसरात घडली. या घटनेमुळे परिसरात एकच खळबळ उडाली असून पतीला पोलिसांनी अटक केली आहे.

अमरावती : नांदगावखंडेश्‍वर तालुक्‍यातील फुबगावात एक व्यक्ती अवैधरीत्या मद्यविक्री करीत असल्याचा आरोप करून गावातील काही महिलांनी त्याला धडा शिकविण्याच्या उद्देशाने चपलांचा प्रसाद दिला. त्यानंतर त्या व्यक्तीने पळ काढला. फुबगावातील एका व्यक्तीला मारहाणीचा व्हिडिओ व्हायरल झाल्याने ही बाब पुढे आली.

गडचिरोली : राज्याचे बहुजन कल्याण, मदत व पुनर्वसन मंत्री विजय वडेट्टीवार यांच्याकडे असलेली गडचिरोली जिल्ह्याच्या पालकमंत्रिपदाची जबाबदारी पुन्हा राज्याचे नगरविकास मंत्री तथा ठाणे जिल्ह्याचे पालकमंत्री एकनाथ शिंदे यांच्याकडे सोपविण्यात आली आहे. त्यामुळे जिल्ह्यातील अनेकांकडून एकनाथ शिंदे चांगले नेते असले, तरी विजय वडेट्टीवारांसारखा स्थानिक नेताच पालकमंत्री हवा, अशी भावना व्यक्त होत आहे.

#Nagpur #NagpurNews #Vidarbha #VidarbhaNews #News #SakalNews #Sakal #MarathiNews #Amravati #Yavatmal #Bhandara #Gondia #Chandrapur #Gadchiroli #Wardha

Sakal Media Group is the largest independently owned Media Business in Maharashtra, India. Headquartered in Pune, Sakal operations span across newspapers, TV (SAAM TV), magazines, Internet, and Mobile. With a heritage of over 82 years Sakal Media Group Publishes the number 1 Marathi Newspaper in Maharashtra and also owns and operates its TV channel named SAAM TV.