O proxecto para a estación de Estación de AVE de Urzáiz en Vigo ten como obxectivo a creación dun novo e moderno equipamento urbano que integrará os usos ferroviario e comercial.
O espazo interior concibiuse como unha gran unidade na que convivirán ambas as actividades. As dúas plantas comerciais organízanse ao longo dunha galería lineal e ao redor de tres núcleos de comunicación vertical: dous no extremos leste (praza aberta) e oeste (praza da estación) e un gran atrio central. Este último conectará a zona comercial á de embarque, un espazo funcional que acollerá un punto de venda de billetes, información, consigna, cafetería, sala VIP, etc. e que dará acceso ás plataformas. A cuberta deseñouse como unha gran praza pública axardinada, accesible desde a Rúa Norte e con vistas á ría, na que se prevén locais de restauración, lecer e espectáculos, ademais de grandes lucernarios para dotar de iluminación natural ao edificio.
Un edificio vangardista con pel de aluminio, coidados accesos, zona de lecer exterior e cuberta pública que relaciona o espazo exterior coas plataformas do ferrocarril nun percorrido cheo de experiencias.
