फ्री बर्गर पडलं महाग, पोट फुटले

एखादी खाण्याची वस्तू फ्री जरी मिळत असली तरी पोट आपले आहे हे विसरून चालत नाही. अशात अनेकदा फ्री ची वस्तू अधिकच महागात पडते. याचं एक उदाहरण नवी दिल्ली येथे पहायला मिळाले जिथे स्पर्धा ठेवण्यात आली होती की जो सर्वात जास्त मिरची बर्गर खाईल त्याला महिनाभर रेस्टॉरंटमध्ये फ्री जेवण मिळेल. या स्पर्धेत दिल्ली विद्यापिठातील सेकंड इअरच्या विद्यार्थी गर्व गुप्ता याने बाजी मारली. परंतू अती बर्गर खाल्ल्यामुळे आतून त्याचं पोट फाटल्याची घटना घडली आहे. यामुळे त्याला शस्त्रक्रियाला सामोरा जावं लागलं.