الحديث مع ابنك عن مرحلة البلوغ هي تجربة صعبة، ولكنها ضرورية. عندي لكم بعض النصائح تساعدكم على خوض هذه التجربة بنجاح. أول حاجة إن إحنا نبدأ المحادثة مبكراً، يعني قبل سن 10 سنين. كل ما بدأنا مبكراً كل ما مرت المرحلة دي بسلام على الطفل وعلينا كأسرة. كن صادقا وجاداً، الطفل سيحترم من يحترمه، لا تسخر منه، ولا تحقر من مشاعره، لأن لما يحس إنه ماحدش بيحترمه ها يروح يدور على المعلومات من مصادر تانية قد تكون خاطئة. ابحث في المكتبة عن كتب قد تكون مفيدة له، واشتريها له، وعرفه كمان يعني مواقع Internet فيها معلومات صحية وموثوقة، بدل ما هو يلاقي مواقع خطئ يتعلم منها حاجات مش كويسة. عرفه إن جسمه ها يتغير، إنه علشان يتحول من ولد لرجل ها يحدث تغيرات ها يشوفها على جسمه. لازم يعرف إنه أعضائه التناسلية تكبر، إنه ها يكون عنده شعر على منطقة العانة والابطين، وإن شعر جسمه ها يزداد سمكاً وطولاً. كمان ها يظهر على جلده حب الشباب، وها يعرق أكتر. أيضا الأطفال في هذه المرحلة ها يبدأ جسمهم تكون له ريحة مختلفة عن الطفولة، ها تبقى ريحة قوية وواضحة، فا مهم أوي يتعلم فكرة إنه النظافة الشخصية شيء أساسي. مهم جدا إنه يتعلم الاستحمام يوميا، وغسل ملابسه أو يعني تغيير الملابس يوميا، وكمان غسل الأعضاء التناسلية بطريقة صحية بالذات لو هو مش مختون.
ها تلاحظوا كمان إنه التغيرات في صوته، وإن هو بقى يكبر فجأة ويتوقف النمو فترة، وهكذا. كمان العضلات ها تبدي تزداد قوة ووضوح، وقد يظهر إنه الطفل تيجي له أحلام جنسية، ها تلاحظ الأم دة على الملابس الداخلية، حتى لو الطفل مش واضح عليه علامات البلوغ الخارجية. قد يبدأ كمان يهتم بالبنات، ما تنهروش أو تزعق له إنه معجب بالبنات، دي حاجة طبيعية. كمان ها يبدأ الطفل ينشغل بالقضيب، يعني يفتكر إن قضيبه كبير أوي أو صغير أوي، أو يبدأ عنده مشاكل في ثقته بنفسه بسبب شكل الأعضاء التناسلية. اشرح له إن كل أنواع وأشكال وأحجام الأعضاء التناسلية طبيعية، وتختلف من شخص لآخر. بعض الأولاد قد يلاحظوا نمو في الثدي في مرحلة البلوغ -تثدي يعني- دي تغيرات بسبب الهرمونات، وهي مؤقتة، قد تستمر لشهور لكنها ستختفي بالذات لو حرص الطفل على ممارسة الرياضة يوميا لمدة نصف ساعة، لأن دة ها يخلي جسمه مظبوط أكتر، والهرمونات مظبوطة أكتر.
فهم الطفل إنه ما يقارنش نفسه بأقرانه في المدرسة، وإن كل طفل بينمو بمعدل مختلف، فا ما ينفعش إن هو يشوف صاحبه حصله إيه ويقول أنا حصل لي حاجة مختلفة ليه؟ لازم يفهم إن كل طفل من أول سن 10 سنين ها يبتدي يلاحظ حاجات مختلفة على جسمه غير الطفل الآخر، سرعات مختلفة للنمو.
كلم طفل عن مرحلة العدائية، وعن الشعور بالاحترام، وإنه لازم يفهم إن التغيرات الهرمونية في جسمه ممكن تخليه عدائي شوية، عصبي بيزعق بيشتم بيضرب مهم أوي إنه يفهم ما ينفعش يعمل كدة لحد، بالذات البنات وبالذات أمه، فا مهم أوي يفهم إنه الطاقة الكامنة دي لازم تطلع بالرياضة علشان ما يبقاش هو عدائي مع الآخرين. كمان مهم أوي إنه يحترم البنات، ولا يتعدى عليهم بأي طريقة، لأن دي من صفات الرجل المهذب. جهز طفلك نفسياً للحياة الجنسية، يعني فهمه يعني إيه الممارسة الجنسية؟ يعني إيه الأمراض الجنسية؟ كيف يحدث الحمل؟ وأكد له كل يوم تقريبا على احترام الفتيات ومشاعرهم وأجسادهم، يعني ما ينفعش إنه يتعدى على البنات بأ?