#維猜，一個開啟李城英超神話的故事
對於大部分人而言，維猜係李斯特城童話故事背後嘅金主。
但對李城支持者嚟講，佢係一個實現夢想嘅人。
呢個故事稱得上係近代足球史上最美麗嘅童話故事。
係 2008 年，當時李城.降班去第三級聯賽。創下球會成績歷史最低點！
係呢個時候，維猜出現，係2010年8月，佢以3900萬英磅正式入主李城！
係入主初期， 唔少李城球迷曾經懷疑， 究竟呢位來自泰國的商人除咗金錢以外，究竟可以對球隊有咩貢獻？
佢會唔會想轉走球隊個名？我哋波衫會唔會變做紅色？佢玩厭咗，會唔會三分鐘熱度走人？
係入主頭四年， 維猜成功使李斯特城由一支瀕臨破產邊緣，看不見明天既球隊， 變成一支成績稳步上揚的球隊，係2014年， 李斯特城終於重返英超。
維猜入主後，李城只有一個方向：向上。英冠、英超、歐聯。
而係球隊戰績進步的同時，佢亦都相當關注社區公益事務既投入亦都不遺餘力。
呢幾年嚟，佢係地區上捐咗200萬鎊起新嘅兒童醫院、100萬鎊支助當地大學醫科發展。
事實證明，佢唔只畀咗金錢，亦都畀咗尊重。
2016年球季。 喺無人睇好嘅情況下，李斯特城創造咗英超的神話
神奇奪得英超冠軍，係球會成立132年以來嘅首個頂級聯賽冠軍
更被被譽為歐洲以至世界足球壇最新嘅「童話」。
短短6年間， 李城由破產邊緣變成全球焦點。
冇維猜，冇可能。
有球迷表示：「維猜用了5年的時間，將我們從一支在英甲負債的球會帶成了英超冠軍。維猜是全英超最好的老闆，他能夠來到球隊是我們的榮幸。」
有球迷回憶：「維猜在生日的時候，給我們3.2萬球迷每個人都配了免費的啤酒和薯片。」
卡斯柏舒米高非常傷心，寫咗封信俾維猜：
你永遠改變了足球，你讓每個足球員都持有希望。你影響的不只是球會的球迷，而是全世界喜愛體育的人，並沒有人有如此的心力去付出。當你在2011簽回我的時候，你跟我說，你會在6年之間帶領我們打入歐聯，更會完成很多心願，你那時候已經感染了我，而我亦相信了你，你讓我感到一切皆有可能。
你永遠不會知道，你對我和我家人有多重要。能夠成為你生命中的一小部分，我深感榮幸。
維猜，一個開創咗李斯特城奪英超呢個21世紀球壇童話故事的作者！
願你安息！
文章credit: 每日郵報記者 James Sharpe, 李斯特城香港球迷會 Leicester City HK Fans Club
Comments