Rajinikanth's Kaala has made a record business even before the release. In fact, the Tamil movie has generated more revenue than the superstar's previous film Kabali. The total pre-release business of Kaala stands at Rs 230 crore. Rajinikanth's previous film Kabali had minted approximately Rs 218 crore.
#Kaala
#Rajinikanth

రజనీకాంత్ హీరోగా పా. రంజిత్ దర్శకత్వంలో తెరకెక్కిన 'కాలా' చిత్రానికి ప్రీ రిలీజ్ బిజినెస్ రికార్డు స్థాయిలో జరిగింది. సూపర్ స్టార్ గత చిత్రాల కంటే ఎక్కువగా ఈ సారి బిజినెస్ జరుగడం విశేషం. అయితే 'కబాలి'తో పోలిస్తే చాలా చోట్ల 'కాలా' థియేట్రికల్ రైట్స్ తక్కువ రేటుకే అమ్ముడయ్యాయి. కానీ శాటిలైట్ రైట్స్ రూపంలో కలిసి రావడంతో ఓవరాల్‌గా 'కాలా' టాప్‌లో నిలిచింది. కబాలి అప్పట్లో మొత్తం కలిపి రూ. 218 కోట్ల బిజినెస్ చేయగా, 'కాలా' దాన్ని అధిగమిస్తూ రూ. 230 కోట్లు మార్కును అందుకుంది. జూన్ 7న 'కాలా' విడుదలవుతున్న సంగతి తెలిసిందే.
తమిళనాడులో రూ. 60 కోట్లకు ‘కాలా' డిస్ట్రిబ్యూషన్స్ రైట్స్ అమ్ముడయ్యాయి. అయితే ‘కబాలి'(రూ. 68 కోట్లు) కంటే ఇది తక్కువే. రెస్టాఫ్ ఇండియాలో కూడా గతంలో ‘కబాలి' రూ. 10 కోట్లకు అమ్ముడవ్వగా, ఈ సారి ‘కాలా'కు రూ. 7 కోట్లు మాత్రమే వచ్చాయి.
కబాలి తెలుగు(ఏపీ-తెలంగాణ) రైట్స్ రూ. 32 కోట్లకు అమ్ముడవ్వగా.... ఈ సారి ‘కాలా ' రూ. 33 కోట్లు వచ్చాయి. కేరళలో ‘కబాలి' రికార్డు(రూ. 7.5 కోట్ల)ను బద్దలు కొడుతూ రూ. 10 కోట్లకు అమ్ముడైంది. అయితే కర్నాటకలో కావేరి వివాదంకారణంగా ‘కాలా' రిలీజ్ అయ్యే పరిస్థితి లేదు. గతంలో కర్నాటకలో కబాలి రూ. 10 కోట్లకు అమ్ముడైంది.