Varun Tej New Look Goes Viral

Varun Tej new look goes viral. Varun Tej tweets on his stunt team
#VarunTej

మెగా ప్రిన్స్ వరుణ్ తేజ్ వరుస చిత్రాలతో బిజీగా మారిపోయాడు. వరుణ్ తేజ్ ప్రస్తుతం సంకల్ప్ రెడ్డి దర్శకత్వంలో నటిస్తున్న సంగతి తెలిసిందే. గత రెండు చిత్రాలలో రొమాంటిక్ హీరోగా నటించిన వరుణ్, ఈ చిత్రంతో ప్రయోగం చేయబోతున్నాడు. అంతరిక్ష పరిశోధన నేపథ్యంలో ఈ చిత్రం స్పేస్ థ్రిల్లర్ గా రూపొందుతోంది. ఈ చిత్రానికి సంబందించిన పలు ఆసక్తికర విషయాలు ఒకొక్కటిగా బయటకు వస్తున్నాయి. తాజగా వరుణ్ తేజ్ ట్విట్టర్ లో పోస్ట్ చేసిన పిక్ వైరల్ గా మారింది.
వరుణ్ తేజ్ ఈ చిత్రంలో మరింత హ్యాండ్సమ్ లుక్ లో కనిపిస్తున్నాడు. ట్విట్టర్ లో పోస్ట్ చేసిన పిక్ లో వరుణ్ తేజ్ సరి కొత్త లుక్ షాక్ ఇచ్చే విధంగా ఉంది. ఈ చిత్రం కోసం వరుణ్ మీసాలు పెంచుతున్నాడు. వరుణ్ ముఖంలో కళ చూస్తే నిజంగా ప్రిన్స్ అనాల్సిందే.
ఈ చిత్రంలో హాలీవుడ్ తరహా స్టంట్స్ ఉండబోతున్నాయి. స్వయంగా హాలీవుడ్ నుంచి వచ్చిన స్టంట్ టీం ఆధ్వర్యంలో ఈ చిత్ర షూటింగ్ జరిగింది. వరుణ్ చేత వీరు కొన్ని అద్భుతమైన స్టంట్స్ చేయించారట. ఆ సన్నివేశాల చిత్రీకరణ పూర్తి కావడంతో హాలీవుడ్ స్టంట్ టీం స్వదేశానికి పయనమయ్యారు.